يومكـ فله ..

عزيزي الزائر ..
اذا كنت تريد تزيدنا شرف التسجيل .. اضغط على تسجيل ..
و اذا كنت تريد تسجيل الدخوول اضغط على دخوول ..

بتااع كلوووو ..

المواضيع الأخيرة

» {مـن وآحـد آلـى خـمــســه وشرب العضو الي تبيه كآس ديتول هع!
الأحد ديسمبر 05, 2010 9:09 pm من طرف Aseer

» ايش رايك بالعضو الي قبلك
الأحد ديسمبر 05, 2010 9:07 pm من طرف Aseer

» آيش تقول للي في بآلك آلحين ‏..~
الأحد ديسمبر 05, 2010 9:04 pm من طرف Aseer

» يازين // ياشين
الأحد ديسمبر 05, 2010 8:53 pm من طرف Aseer

» لمن تهدي كلمه((احــــــبـــــــــــــــــك)) بعد الرقم 5
الأحد ديسمبر 05, 2010 8:52 pm من طرف Aseer

المواقع الصديقه

طططط
طططط

    قصيدهـ لشاعر امراتي يشكي فيها الحال في التوظيف... روعهـ

    شاطر
    avatar
    Aseer
    الإدارة ..
    الإدارة ..

    عدد المساهمات : 752
    النقآآط : 856
    السٌّمعَة : 6
    تاريخ التسجيل : 03/05/2008
    الموقع : المريخ

    قصيدهـ لشاعر امراتي يشكي فيها الحال في التوظيف... روعهـ

    مُساهمة من طرف Aseer في الثلاثاء سبتمبر 08, 2009 9:49 pm

    قصيدة رائعة لشاعر إماراتي يشكي الحال

    تو . . طين

    وش عاد يا دار ٍ بها صار ( توطين )


    و في مكتب التوظيف سوسن و ميسون !


    مديرهم مدحت و نائبْته نسرين


    و على الرسبشن حمّص و فول و زيتون !


    كل ما اتصلت اسمع ( الو مرحبا مين ؟


    بدّك وظيفه ؟ .. مين دلّك على هون ؟ )


    اقول انا لي اتصل صار شهرين


    و انتوا وعدتوني متى بس توفون


    اسمي ( مواطن ) ( جامعي ) طيب و زين


    كني ابخطب عندكم و اتّغلون !


    عندي شهادة طايحه بجبدي سنين


    عشش عليها شي له ستة عيون !!


    لو للشهاده لسان قالت ( على وين


    ناوي توديني . . تلف فيني الكون ؟ )


    من كثر ما صورتها غارق بدين


    للهندي راعي المطبعه صرت مديون


    لا ليلي ليل ولا نهاري نوى يبين


    دقيت راسي لين ما صرت مينون !


    مطلوب خبره عالأقل في مجالين


    ولا ّ تجينا بواسطه و سير مدهون !


    ولا انثبر في بيتك . . افرك بكفين


    يومك يشابه امسك و عيش مغبون


    تعدادنا ويّاهم اربع ملايين


    و اهل البلد للحين ما صاروا مليون !!


    ويلاه من باكر اذا وضعنا الحين


    و احنا اقل من الربع حالنا شجون !


    و اللي ابتسم له حظه والله مسكين !


    حصّل وظيفه . . بس ف ي وين .. تدرون ؟


    ساكن في راس الخيمه .. حطوه في العين !!


    و اللي سكن في الذيد .. في السلع مدفون !!


    يشوف اهله بس في الأسبوع يومين


    و اذا حسبتوا الدرب كم ساعه . .. تبكون


    يعني في كل احواله ذاق الأمرين


    شغّال محزون و بلا شغل محزون


    و الأجنبي اللي راتبه فوق عشرين


    فله و سياره و تذاكر . . و طاعون


    عنده بدل كل شي عالراتب الفين


    حتى بدل معجون اسنان و صابون !


    و من بعد ما يجمع من بلادي فلسين


    و يربّي من القعده على الكرسي بطون


    و يصير في بلاده غني و عنده برجين


    يرحل و هو جاحد . . و كم مثله ملعون !


    و حتى الجماعه قوم مدحت و نسرين


    مردّهم لبلادهم لو يطولون


    يرضون بشوية دراهم . . و شفتين


    صبح و عصر . . لو حتى في الليل يرضون


    بس لو سمعتوا همسهم بينهم بين


    وسط القهاوي يلعنون و يسبون !


    لا تحسبوني عنصري . . كلنا طين


    و الخِـل لو عاتب محبينه يمون


    داري و انا اولى بها من الغريبين


    ما يوصلون لحبها لو يموتون


    و ( الأقربون اولى ) . . كلام ٍ من الدين


    ما جبته من شعري مع الهام و ظنون


    ولد البلد ما يبغي لبلاده الشين


    بالروح بالدم يفتديها ولا يخون


    لكن سؤاله يوم قلتوا له ( توطين )


    يا كيف بيد الغرب توظيفه يكون ؟؟!!


    شعا رهم معروف ( راجعنا بعدين )


    و باين من التأجيل .. انهم ي خافون


    اذا معك خبرة .. يا اهلين و سهل ين


    و اذا شهاده بس .. عن ّ ك يصدون


    ما عندنا شاغر . . و بطلنا تعيين


    ولو تحرق الهاتف ترى ما يردون !


    من وين اجيب الخبره ؟ من وين من وين ؟


    دام الوظيفه عند سوسن و ميسون !


    عندي بمطبخ بيتنا خبره سنتين !


    تنفع اذا صاروا المطاعم يوطنون ؟؟!


    ولاّ أهاجر و آخذ الخبرة في الصين ؟


    صح العيون صغار . . لكن يقدْرو ن


    سؤال يا دار ٍ ..صراحه بترضين ؟


    اني أسافر و اطلب الغرب لي عون ؟


    و سؤال يا ناس ٍ على الراس و العين


    صدق الوظايف واسطه و سير مدهون ؟


    اما الجواب الشافي يجيني الحين


    او هاتوا تأشيره . . اذا كنتوا ترضون !
    avatar
    ღ9a7bt alsmoღ
    مشرفة سآآبقة ..
    مشرفة سآآبقة ..

    عدد المساهمات : 163
    النقآآط : 193
    السٌّمعَة : 6
    تاريخ التسجيل : 17/08/2009
    الموقع : B3YDH 3N A7BABY

    رد: قصيدهـ لشاعر امراتي يشكي فيها الحال في التوظيف... روعهـ

    مُساهمة من طرف ღ9a7bt alsmoღ في السبت سبتمبر 12, 2009 6:46 am

    وآو طرح قمَهـ اهنيك ع هيك قصيد رووعه

    تسلم اناملك
    تحياتي لك..تقبل مروري
    avatar
    Aseer
    الإدارة ..
    الإدارة ..

    عدد المساهمات : 752
    النقآآط : 856
    السٌّمعَة : 6
    تاريخ التسجيل : 03/05/2008
    الموقع : المريخ

    رد: قصيدهـ لشاعر امراتي يشكي فيها الحال في التوظيف... روعهـ

    مُساهمة من طرف Aseer في الأحد سبتمبر 13, 2009 9:55 pm

    نورتي صااحبه مشكووره على طلتك الحلووهـ


    _________________
    avatar
    همس الشفايف.M
    مشرفة عآآمة ..
    مشرفة عآآمة ..

    عدد المساهمات : 503
    النقآآط : 642
    السٌّمعَة : 5
    تاريخ التسجيل : 15/08/2009
    العمر : 26
    الموقع : في بيتنا-ههه جابت شي جديد

    رد: قصيدهـ لشاعر امراتي يشكي فيها الحال في التوظيف... روعهـ

    مُساهمة من طرف همس الشفايف.M في الإثنين سبتمبر 14, 2009 10:07 am

    يسلموووو على الطرح اللي
    حده^_^نايس
    تقبل مروري
    همس


    _________________

    يــآليتكـ مثـــل روحـــي تخــآويني~~
    ولآ احـــس في يـــــــوم ببعــــآدكـ~~Surprised
    avatar
    Aseer
    الإدارة ..
    الإدارة ..

    عدد المساهمات : 752
    النقآآط : 856
    السٌّمعَة : 6
    تاريخ التسجيل : 03/05/2008
    الموقع : المريخ

    رد: قصيدهـ لشاعر امراتي يشكي فيها الحال في التوظيف... روعهـ

    مُساهمة من طرف Aseer في الإثنين سبتمبر 14, 2009 10:11 am

    يسلمو خيتي لا عدمانك


    _________________

      الوقت/التاريخ الآن هو الثلاثاء أغسطس 14, 2018 10:04 pm